ఐ ఫోన్లో తెలుగులో టైప్ చేయడం ఎలా?

మీ ఐఫోన్లో సెట్టింగ్స్ తెరచి జనరల్ -> కీ బోర్డ్ దగ్గరకి వెళ్ళండి. ఇప్పుడు తెలుగు ( అక్షరమాల ) కీ బోర్డుని జోడించండి.

తెలుగు అక్షర మాల కీ బోర్డుని జోడించాక, మీకు కుడి పక్కన “క” అని తెలుగు కీ బోర్డు కనిపిస్తుంది.

ఇప్పుడు మీకు నచ్చిన అప్లికేషన్లో ఎప్పటిలానే తెంగ్లీషులో టైప్ చేస్తే తెలుగు లిప్యంతరీకరణ జరిగి మీరు టైప్ చేసింది తెలుగులో అచ్చవుతుంది.

మీరు తిరిగి ఇంగ్లీషు కీ బోర్డు కావాలనుకుంటే ఎడమ పక్కన ఉన్న “A” మీద క్లిక్ చేస్తే సరిపోతుంది. అదనపు భాషలు కావాలనుకుంటే పై చిత్రంలో కింద వరసలో ఉన్న భూ గోళం మీద క్లిక్ చేస్తే మీరు కీ బోర్డులో ఎంచుకున్న భాషలన్నీ కనిపిస్తాయి.

ఇక పై మీరంతా మన అందమైన తెలుగులో వ్రాయాలని ఆకాంక్షిస్తూ..

— సాయి కౌలూరి