గత వ్యాసంలో(https://restore.paluku.in/?p=1648) స్వదేశీ వస్తువులనే కొనాలని ప్రభుత్వం పిలుపివ్వటం ఎంత దివాళాకోరు ఆలోచనో, సామాన్య ప్రజలుగా మనకి స్వదేశీ ఎందుకు ఉపయోగకరం కాదో మాటాడుకున్నాం (నాణ్యత, ధర విషయంలో రాజీ పడాల్సివస్తుంది కాబట్టి). నాణ్యత విషయంలో ప్రధాన దోషి మన ప్రభుత్వాలే. వస్తునాణ్యతా ప్రమాణాలని సరిగ్గా నిర్దేశించటంలో, తయారీదారుల ఫాక్టరీల్లో తరచుగా తనిఖీలు నిర్వహించి నిస్పాక్షికంగా, నిర్దాక్షిణ్యంగా జరిమానాలు విధించటంలో, లైసెన్సులు రద్దు చేయటంలో ప్రభుత్వ అధికారుల అలసత్వం, అవినీతి గురించి మనకి తెలియంది కాదు. రెస్టారెంట్లలో ఆహార పదార్థాలే కావొచ్చు, మార్కెట్లో అమ్మబడుతున్న పన్నీరు, నూనెలు, డీజిల్, ఆఖరికి ప్రాణాలు నిలబెట్టాల్సిన మందుల్లో కూడా కల్తీనే (లేదా నాసిరకం ప్రమాణాలే). ఇలా చేసే వ్యాపారసంస్థల్లో ఎక్కువ ఉండేది స్వదేశీనా, విదేశీనా అనే విషయం మీ ఊహకే వదిలేస్తున్నాను.
ఇక ఆత్మనిర్భర్ విషయానికొస్తే నేను చెప్పేది గుండె నిబ్బరం చేసుకుని వినండి. ఏ కారణాలచేతైనా ప్రపంచ రవాణా వ్యవస్ధ అస్తవ్యస్తమైనప్పుడు గానీ, ఏ దేశంతోనైనా వైరం ఏర్పడినప్పుడు గానీ మన దేశ ఆర్థిక వ్యవస్థ, అలాగే రక్షణ వ్యవస్థ స్తంభించిపోకుండా డిఫెన్స్, లాజిస్టిక్స్, ఎనర్జీ, రేర్ మినరల్స్ లాంటివి తయారు చేసే సంస్థలు మన దేశంలోనే ఉండటం, మన దేశస్తుల ఆధీనంలో ఉండటం ఆవశ్యకమే. కాబట్టి పైన ఉదహరించిన రంగాల్లో ప్రభుత్వరంగ సంస్థలు లేదా పేరు మోసిన ప్రైవేటు సంస్థలు ఉండటం మంచిదే. కానీ రఫాలే యుద్ధ విమానాల ఒప్పందం విషయంలో చూశాం కదా. ప్రభుత్వ సంస్థ HAL ని కాదని, ఆ రంగంలో ఎంతో కొంత అనుభవమున్న TATA గ్రూప్ ని కాదని ఏమాత్రం అనుభవం లేని అనిల్ అంబానీకి కట్టబెట్టారు. గత పదకొండేళ్ళగా భారీ పోర్టులు, విమానాశ్రయాలు, ఎనర్జీ, మైనింగ్ లాంటి రంగాల్లో అదానీ గ్రూప్ దే పైచేయి ఎందుకవుతుందో, కొన్నిసార్లు ప్రభుత్వరంగ సంస్థలకి కూడా అవకాశం ఎందుకు దొరకట్లేదో ఆలోచించండి. నిన్నగాక మొన్న బీహార్లో వెయ్యి ఎకరాలకి పైగా భూమి రైతుల దగ్గర సేకరించి అదాని పవర్ కి ఎకరానికి రూపాయి లెక్కన లీజుకిచ్చారు.
ప్రస్తుతం నెలకొన్న వాతావరణంలో స్వదేశీ, స్వావలంబన పేరుతో వేరే రంగాల్లో కూడా అతికొద్ది స్వదేశీ మిత్రులకే పెద్ద పీట వేసే ప్రమాదముంది. కాబట్టి చివరాఖరిగా నేను చెప్పొచ్చేదేంటంటే స్వదేశీ పేరుతో నాణ్యత, ధరల విషయంలో రాజీ పడొద్దు. ప్రభుత్వ యంత్రాంగం వస్తు నాణ్యత విషయంలో జవాబుదారీతనం చూపించేలా నిలదీస్తూనే ఉండండి. ఆత్మ నిర్భరత కొన్ని రంగాల్లోనే అవసరం, అక్కడ కూడా ప్రభుత్వ కాంట్రాక్టులు, లైసెన్సులు పారదర్శకమైన పద్దతిలో నిర్ధారించబడేలా ప్రభుత్వాన్ని కోరండి.
Category: వాణిజ్యం,వ్యాపారం / Business & Commerce
-
స్వదేశీ – ఆత్మనిర్భర్ లాంటి భావాలు దుర్వినియోగం కాకుండా ప్రజలు చేయాల్సిందేమిటి?
-
మీ జీవితంపై బాగా ప్రభావం చూపిన మూడు పుస్తకాల పేర్లేమిటి?
మూడు పుస్తకాలు అని కాకుండా మూడు విధానాలు అని చెప్పాలంటుకుంటున్నాను
చదివి/చూసి/విని తెలుసుకొనే పధ్ధతి
పుస్తకాలు/నాటకాలు / సినిమాలు / ఇలా వివిధ విషయాలు అన్నవి ఇక్కడ వస్తాయి – పాఠ్య పుస్తకాలు మాత్రమే కాకుండా మిగతా పుస్తకాలు చదవుచ్చు చదవాలి అన్న విషయం చిన్నతనం నించే అలవాటు కావడం ఒక విధముగా మంచి అలవాటే అది చిన్నప్పుడే మొదలు అయింది (knowledge through books/radio/movies/tv/other art forms like stage plays/dance forms etc – mostly through consumption & reflection ) –
ఒక విధంగా ఇది మొదటి దశ
మన ఆచరణ / ఇంకొకరికి నేర్పించే క్రమం లో మనం ఆకళింపు చేసుకొనే పధ్ధతి
కేవలం పుస్తకాలు చదివితే ప్రభావం అనుకున్నంత మేరకు జరగదని కొంత ఆలస్యంగా తెలుసుకున్నా చేయడం మీద దృష్టి కొంతలో కాకపోతే కొంతలో పెరిగింది – ఆ దిశగా గత 20 ఏళ్లగా కొంచం కొంచంగా పెరిగింది (professional skills) ఈ పధ్ధతి లో నే నేను ఒక మానేజ్మెంట్ మరియు లీడర్షిప్ స్కిల్స్ ట్రైనర్ రూపం దాల్చాను , దాని వలన ఇంకోళ్ళకి నేర్పే ప్రక్రియ లో మనం నేర్చుకోవడానికి చాలా ఆస్కారం ఉంటుందని గ్రహించాను.
నాకు తెలిసింది రాత పూర్వకంగా తెలిపితే అది వేరే వారితో పాటు నాకు కూడా లాభదాయకంగా ఉంటుందన్న విషయం కూడా ఒక ముఖ్యమైన ఆచరణ చేసే విషయం నాకు సంబంధించిన వరకు
ఒక విధంగా ఇది రెండవ దశ
ఇంకొకరి నించి వైవిధ్యమైన విషయాలు ప్రత్యక్ష అనుభూతి తో సంగ్రహించే పధ్ధతి
ఒక కంపెనీ లేదా ఆర్గనైజషనల్ ఎన్విరాన్మెంట్ లో అంత ఎక్కువ వైవిధ్యం ఉండదని అన్న విషయం , కొంత ఆలస్యంగా తెలుసుకుని ఎక్కడైతే వైవిధ్యం ఎక్కువ ఉంటుందో అలాటి విషయం గ్రహించి ఆయా విషయాల్లో ఇంకా ఎక్కువ సాంగత్యం ద్వారా వాతావరణం లో నేర్చుకునే పధ్ధతి
– ఆ దిశగా 2013 నించి అడుగులు (increased focus on life skills & learning thru different associations – examples Landmark (forum) & BNI or similar forums for diversified networking, art of living, various forums like ICF, IAF and similar forums, owning up and cheerleading of initiatives like overall wellness, dasubhashitam, Podcasting diverse accomplished people etc)
the journey continues …
-
జీవితమంటే ఏమిటి?
జీవి తన చిత్తం తో విత్తం మరియు అంతకంటే ఇంకా ప్రాముఖ్యమైన విషయాలని గ్రహించే ప్రక్రియే జీవితం అంటే ..
జీవితమంటేనే ఉగాది పచ్చడి కూడానూ
ఇలాంటి పెద్ద పెద్ద విషయాల్లో సినీకవులు ఏమి చెప్పారో అని చూస్తే పోలా, మీ మూడుని బట్టి మీకు ఇక్కడ లిస్ట్ చేయపడ్డ వివిధ పాటలతో మీకు ఒక కనెక్షన్ ఏర్పడచ్చు. అంటే షడ్రుచులు మరియు నవరసాలు ఆస్వాదిస్తేనే కదా తెలిసేది వర్ణన కన్నా.
పాటలన్నీ మొదటి/రెండు చరణాలలో ఎక్కడో అక్కడ జీవితం లేదా జీవన, బ్రతుకు అన్న మాట (లేదా అలాంటి అర్ధం) వస్తే అది ఒక పాపులర్ పాట అయితే దాన్ని ఈ కూర్పు లోకి చేర్చాను, ఈ పాటలన్నీ క్రానోలోజికల్ ఆర్డర్ లో అంటే పాత పాటలు ముందుగా లిస్ట్ చేస్తున్నాను. ముందుగా తెలుగు పాటలు – ఆ తర్వాత హిందీ పాటలు కూడా లిస్ట్ చేస్తున్నాను, హిందీ లో కూడా జీవన్ లేదా జిందగీ అన్న మాట లేదా అలాంటి అర్ధం వస్తే దాన్ని ఈ క్రింది కూర్పు లో కి చేర్చుకున్నాను
ప్రస్తుతానికి తెలుగు లో ఒక 37 పాటలు మరియు హిందీలో 34 పాటలు ఈ కూర్పు లో కి చేరాయి ! ఇంకా ఏవైనా తడితే వీటిలోకి చేరుస్తాను (It will be in Chronological Order)
Telugu List
దేవదాసు ( 1953) లో
కల ఇదనీ నిజమిదనీ తెలియదులే
బ్రతుకింతేనులే బ్రతుకింతేనులే
అనార్కలి (1955)
జీవితమే సఫలమూ రాగ సుధా భరితమూ
ప్రేమ కథ మధురమూ
శబాష్ రాముడు (1959) లో
జయమ్ము నిశ్చయమ్మురా భయమ్ము లేదురా (ఇందులో జీవితం అన్న మాట లేకపోయినా దాదాపు అదే అర్ధం వచ్చే మోటివేషనల్ లిరిక్స్ వున్నాయి)
వెలుగునీడలు (1961) లో
కలకానిది విలువైనది బ్రతుకు
కన్నీటి ధారలకే బలిచేయకు
గుడిగంటలు (1964) లో
జన్మమెత్తితిరా అనుభవించితిరా
బ్రతకు సమరంలో అలిసిపోయితిరా అన్న పాట
(ఇది కొంచం నిరాశ నిస్పృహ అనే కోణాల్లో ఉంటుంది)
లక్ష్మీ నివాసం (1966) లో
ధనమేరా అన్నిటికీ మూలం
ఆ ధనం విలువ తెలుసుకొనుట మానవ ధర్మం (యశ్వీ రంగారావు గారి పాట)
రంగుల రాట్నం (1966) అనే సినిమాలో టైటిల్ సాంగ్
జీవితమంటే అంతులేని ఒక పోరాటం
సంబరాల రాంబాబు (1970) లోనిది (ఇందులో చలం హీరో )
ఎంతో చిన్నది జీవితం ఇంకా చిన్నది యవ్వనం
అనుభవించరా
అన్న లైన్స్ తో శ్రీమంతుడు (1971) మూవీ – అక్కినేని గారి స్టైల్ లో
వాగ్దానం (1971) లో
బంగరు నావా బ్రతుకు బంగరు నావా
కలెక్టర్ జానకి (1972) లో
జీవితమే ఒక ఆట అది వెలుగు నీడల సయ్యాట అనే ఒక ముక్క (ఇది ఒక హీరోయిన్ ఓరియెంటెడ్ మూవీ అని చెప్పచ్చు )
ఈ లైన్స్ మొదట్లో రాదు కానీ మధ్యలో వస్తుంది – కానీ ఇవే మెయిన్ లైన్స్
విచిత్రబంధం అన్న సినిమా(1972) లో
అందమైన జీవితమూ అద్దాల సౌధమూ
అన్న లైన్స్ తో
జీవన తరంగాలు (1973) లో
ఈ జీవన తరంగాలలో ఆ దేవుని చదరంగంలో ఎవరికీ ఎవరూ సొంతమూ ఎంతవరకూ ఈ బంధమూ
నిప్పులాంటి మనిషి (1974) మూవీ లో
స్నేహమేరా జీవితం స్నేహమేరా శాశ్వతం – సీనియర్ ఎన్టీఆర్ ఫాన్స్ కోసం
రెబెర్ స్టార్ కృష్ణం రాజు గారి పాట అమరదీపం (1977) లోది
నా జీవన సంధ్యా సమయంలో ఒక దేవత ఉదయించింది
గోరంత దీపం (1978) మూవీ లో టైటిల్ సాంగ్ – ఇది కూడా హీరోయిన్ ఓరియెంటెడ్ మూవీనే (ఇందులో జీవితం అన్న పదం లేకపోయినా మొత్తం సాంగ్ అంతా జీవితం పైన దృక్పధం కోసమే కదా)
దీపారాధన అన్న మూవీ(1980) లో తెల్లకాగితం మనిషి జీవితం అన్న పాట శోభన్ బాబు గారి ఫాన్స్ కోసం
ఓ బాటసారీ ఇది జీవిత రహదారీ
ఎంత దూరమో ఏది అంతమో
అన్న ఈ పాట ఇల్లాలు (1981) సినిమాలో
ప్రేమాభిషేకం (1981/82) లో నించి కూడా ఒక పాట
ఆగదు ఏ నిముషం నీ కోసము
ఆగితే సాగదు ఈ లోకము
ముందుకు సాగదు ఈ లోకము (గమనిక : జీవితం అన్న పదం లేకపోయినా – నువ్వు మరియు లోకం అన్న పదాలు వున్నాయి కదా )
పచ్చని కాపురం (1985) లో సూపర్ స్టార్ కృష్ణ శ్రీదేవి గారి సినిమా లో
వెన్నెలైనా చీకటైనా నీతోనే జీవితం
సుమంగళి (1989) లో
జీవితం ఓ ప్రయాణం – నిండుగా సాగనీ
కొండవీటి దొంగ (1990) లో
జీవితమే ఒక ఆట సాహసమే పూబాట
మెగా స్టార్ శైలి లో (రాబిన్ హుడ్ స్టైల్)
ఇలా మరిన్ని తెలుగు పాటలు – ఇప్పుడు మచ్చుక్కి కొన్ని హిందీ పాటలు కూడా
HINDI LIST
జీవన్ కి సఫర్ మే రాహీ
మిలితేహ్ బిఛడ్ జానెకో
ఔర్ దేజతేహ్ యాదే
తన్హాయి మెయిన్ తడపానెకో
మునీంజీ (1955) లో పాట
దీని అర్ధం భలే వుంది –
జీవితపయనంలో తోటి ప్రయాణీకులు కలుస్తూ వుంటారు
వెంటనే విడిపోతారు కానీ వారి జ్ఞ్యాపకాలు మాత్రం మనల్ని వంటరితనంలో చుట్టు ముడతాయి
మధుమతి (1958) లో
సుహానా సఫర్ హై యెహ్ మౌసమ్ హసీ
అనారీ (1959) లో
జీనా ఐసీ కా నామ్ హాయ్ అన్న మాటలో చరణం పూర్తి అయ్యే పాట
హమ్ దోనో (1961) సినిమా లో ఇంకో దేవానంద్ పాట
మెయిన్ జిందగీ క సాథ్ నిభాతా గయా
హర్ ఫికర్ కో ధువా మెయిన్ ఉడాతా గయా
అస్లీ నకిలీ (1962) లో
తుఝే జీవన్ కా దోర్ సే బాంద్ లియాహై
(మీకు ఒక ఐడియా వచ్చి ఉంటుంది .ఇదంతా ఒకప్పుడు తెలుగు కోరాలో కూర్పు చేసినదే. మొదటి రెండు లైన్స్ తో పాటు గా యూట్యూబ్ లింక్ తో తెలుగు కోరా లో ఇదివరకే కూర్పు చేసిన లంకె క్రింద జత చేయబడింది)
-
ఒక 40+ ఏళ్ళ సగటు సాఫ్ట్వేర్ ఉద్యోగి కంపెనీకి భారమా ?
ఇది కూడా తెలుగు కోరా లో ఒకప్పుడు రాసిన చాలానే వ్యూస్ వచ్చిన సమాధానమే
భారం అన్న బరువైన మాట మాట్లాడారు కదా ఒక చాలా పాత పాట గుర్తుకు వచ్చింది 😉
ధరణికి గిరి భారమా
గిరికి తరువు భారమా
తరువుకు కి కాయ భారమా
తల్లికి పిల్ల భారమా
గూగుల్ చేస్తే ఈ పాట విషయాలు ఇలా కనపడ్డాయి
చిత్రం: మంచిమనసుకు మంచిరోజులు (1958)
సంగీతం: ఘంటసాల
గీతరచయిత: సముద్రాల రామానుజాచార్య (సముద్రాల Junior)
నేపధ్య గానం : రావు బాలసరస్వతి దేవి
స్ఫూర్తి కలిగించే గానమే కానీ ఈ పాట అంతా ప్రకృతి గురించి వర్ణన కదా (This is all about Nature)
కానీ మీరడిగిన ప్రశ్నకి సమాధానం మాత్రం వేగవంతంగా రూపాంతరం చెందుతున్న పోటీ ప్రపంచంలో అటు మార్కెట్లు దాంట్లో పోటీ పడే కంపెనీలు (తాటిచెట్టు అంత వాడు ఉంటే దాని తల తన్నే వాడు వేరే వాడు ఉన్నట్లు) అందులో పని చేసే వివిధ స్థాయిలకు చెందిన ఉద్యోగులు ఉద్యోగినులు బృందనాయకత్వ్యం ప్రవృత్తి పై ఆధారపడే విషయం (This is all part of Culture you and I are participating in and shaping everyday)
నా ఆన్సర్ కొంచం వేదాంత ధోరణిలో కనపడచ్చు – కానీ ఈ ( ఇలాంటి) పరిస్థితులు ఎంతోకాలంగా ఎదుర్కొన్నాను, ఇంకా ఎదుర్కొంటూనే వున్నాను – కాబట్టి నేను ఈ విషయంలో చెప్పగలిగేది ఏంటి అంటే
బాగా ముగ్గిన పళ్ళని ప్రకృతి లో చెట్టు కూడా అంటి పెట్టుకోదు(అవి ఎప్పుడో అప్పుడు రాలి పోతాయి) కాబట్టి అలాంటి విషయం మనం ప్రైవేట్ కంపెనీ లలో ఒక స్థాయి కి మించి ఆశించలేము. మనం గవర్నమెంట్ ఉద్యోగాలతో ఈ విషయం ఎంత కంపేర్ చేసుకుంటే అంతే ఆశాభంగం మనకు ఎదురు అవుతుంది.
కాబట్టి మనం ప్రైవేట్ కంపెనీ ఎదుగుదల కి అవసరమయ్యే విషయాలలోనే మన క్రియాశీల వ్యవహారాలు ముడిపడి ఉండేలా చూసుకోవాలి
మన ఎక్సపీరిన్స్ ఇంకొరికి ఏ విధంగా ఉపయోగపడగలదు అనే కన్నా
అది ఉపయోగపడేలా నేను నన్ను ఎలా మలచుకోగలను అన్న ఆలోచనే మీకు మీ షెల్ఫ్ లైఫ్ (Shelf Life) పెంచే సాధనం (ఆయా కంపెనీ లోనే కాకపోయినా మొత్తం ఇండస్ట్రీని ఒక ప్లాట్ఫారం గా మీరు భావించగలిగితే )
ఇది చాలా సులువుగా అయిపోతుంది అని మాత్రం అనను – ఎవరి దారి వారు వెతుక్కోవాల్సిందే (It is definitely an important TRANSITION to make during mid life/career stages)
నేను 2019 సెప్టెంబర్ లో అమెజాన్ కిండిల్ లో సొంతంగా ప్రచురించిన పుస్తకం (Self Published Self help book) విల్, స్కిల్ అండ్ ఛిల్ల్ (క్లూస్ ఫర్ ఓవర్ కమింగ్ యువర్ ట్రాన్సిషన్ బ్లూస్) (Will, Skill & Chill – Clues for overcoming your transition blues) అన్న పుస్తకం కొంత ముడి సరుకుని అందించగలదేమో? దాదాపు 6 ఏళ్ళ తర్వాత ఈ విషయంలో మరొక అప్డేటెడ్ ఎడిషన్ with over 30% more content (జులై 2025) లో విడుదల చేయడం జరిగింది కూడా
వంటకపు తయారీ మీ బాధ్యతే సుమీ ! 😉
-
‘గల్ఫ్’ ఇంతగా మలయాళీ మయం ఎలా అయ్యింది?
ఇది ఒకప్పుడు తెలుగు కోరా లో నేను రాసిన ఆన్సర్ లలో అత్యధిక వీక్షణలు అందుకున్న పోస్ట్
దీని మూలం 35+ ఏళ్ళ క్రితం నా ఇంజనీరింగ్ కాలేజీ నేపధ్యమే (REC రూర్కెలా) – ఒకానొకస్నేహితుడు (బాంబే వాస్తవ్యుడు అయిన వ్యక్తి నోట విన్నాను)
ఇది ఒక విధంగా “నవ్విన నాపచేనే పండింది” అని చెప్పడానికి ఒక మంచి ఉదాహరణ కూడా
ఇది ఒక చిట్టి కధ రూపంలో ఉంటుంది ఒక సగటు మలయాళీ జీవిత చరిత్ర (కట్టే – కొట్టే – తెచ్చే శైలి లో అన్నమాట)
ఒక కేరళీయుడు (అంటే మలయాళీ) గల్ఫ్ దేశం చేరుకున్న తర్వాత ఇంటికి కేవలం మూడు ఉత్తరాలు మాత్రమే రాస్తాడు
- మొదటిది క్షేమంగా చేరాను అని
2. రెండోది ఉద్యోగంలో స్థిరపడ్డాను అని
3. మూడోది చంద్రన్ లేదా ఆరిఫ్ లేదా జోసెఫ్ ని అర్జెంటుగా పంపమని
అంటే ఇది ఒక గొలుసుకట్టు కధ అన్న మాట
(గమనిక : ఇక్కడ ఉద్దేశం అన్ని కంమ్యూనిటీస్ కి చెందిన కేరళీయులు గల్ఫ్ దేశాలకి వలస వెళ్లారు అని చెప్పడం మాత్రమే )
గల్ఫ్ దేశాల్లో పెట్రోలియం నిల్వలు కనుగొన్నప్పడి నించి (1970s/80s) ఈ ప్రహసనం ఏదో విధంగా బలపడుతూనే వుంది
కేరళ లో అక్షరాస్యత ఎక్కువ – ఉద్యోగ అవకాశాలు తక్కువ (కొంతవరకు కమ్యూనిజం కారణం అని అంటారు) , అక్కడ వ్యక్తుల్లో వేరే దేశాలకి వెళ్లి సెటిల్ కాగల చొరవ కూడా ఎక్కువే (అటు డ్రైవర్, మెకానిక్, మెయిడ్ ఉద్యోగాలకైనా – ఇటు టీచర్ నర్స్ ఉద్యోగాలకైనా) – నాకు తెలిసి ఇవి ముఖ్య కారణాలు
