తీపీ కారం చేదూ వగరూ
ఉప్పూ పులుపూ కలగలుపూ
కష్టం నష్టం బాధల వెంటే
సుఖసంతోషాలు; కొసమెరుపు
గడచిన కాలం ఇక్కట్లు
కాలం తీరిన ముచ్చట్లు
నేడు రేపు ముందునాళ్ళు
ఆశల పూతల పొదరిళ్ళు
బతుకు భారమని వెఱవకు నేస్తం
సుఖం నీదంటు మురియకు నిత్యం
వెతలు వేదనల ఆటుపోటులను
దాటుకు చేరగ సుఖశాంతుల తీరం
సుఖము శాంతి వ్యధ ఆశాంతి
భోగం భాగ్యం కోపం తాపం
విస్తరి నిండుగ విందు భోజనం
ఎరిక తెలియగా అనుభవ సారం
జగతికి నేడిది ఉగాది సందేశం
ఓడి గెలవమని ‘పరాభవ’ పాఠం
#వెన్నెల, #తెలుగు, #అమ్మనుడి, #ఉగాది, #పండుగలు, #పరాభవనామసంవత్సరాది
@vennela
చింతపండు కొద్దిగ
బెల్లమింత మెండుగ
స్వల్పంగా ఉప్పుకల్లు
చిరు చేదుర వేపపూలు
మామిడి పిందెల వగరు
మిరపగింజ కెంత పొగరు
ఆరు రుచులు నిండుగ
సంవత్సరాది పండుగ
పరాభవనామ మీఏటిది
మన ఇడుములన్ని వీడగ
చుట్టాలు నేస్తాలు కలిసి
ఇరుగుపొరుగులెల్ల అండగ
లోకమెల్ల శుభముగాగ
ఆనంద హేల నిండుగ
#వెన్నెల, #తెలుగు, #అమ్మనుడి, #ఉగాది, #పరాభవనామసంవత్సరాది, #పండుగలు, #కవిత
@Chandu1302
సేను కాడ నేను సెమట గారుత వుంటే
సెంగుతో తుడిసి నా అలుపు పోగొడతాది
సెలమ దడిసీ ఒల్లు సితసితామంటాంటె
ఉడుకు నీల్లతో తోమి శీరామ రక్సెడతాది
అరిటాకు ఇస్తర్ల అన్నమింతా కలిపి
ముద్దుగా ఒక్కొక్క ముద్ద నోటికందిస్తాది
అమ్మవోలె కొసరి కొసరి గోము తినిపిస్తాది
ఆలి ప్రేమకు ఇంగొక్క పేరు తానెలెమ్మంటాది
గొంతు పొలమారితే నా సవితంటు నగుతాది
గుండె తడిబారెనా తానె దిండై ఓదారుస్తాది
నా ఇంటి ముంగిట్ల మావి తోరాము నా పెంటి
పెద్ద పండగ నాటి సందె గొబ్బెమ్మ నా పెంటి
రాయంచ నడకలది రాసిలక పలుకులది
మింట అచ్చరలకే అచ్చెరవు కులుకులది
బుద్ది సక్కంగుంటె నువు నా మారాజువంటాది
తిరిగి, రాణిని నేను, నాకు సేవ చెయ్యంటాది
నాకండ్లు సల్లగ మూసి తానెవరనంటాది
గమ్మత్తు ఊసులతొ సెవి నింపుతుంటాది
ఎదురుబొదురుగ నుండి మాటాడమంటేను
సురుకు సూపులు జూసి సీ పొమ్మనంటాది
మింట సందమామ తారలను కూడుకొని
మనల చూసీ మరి మరీ నవ్వుతాడంటాది
మెండు కొంటెదనాల మందసం జూడ నా పెంటి
సెలిమి సినుకై తడుపు మొయిలురా నా పెంటి
శాన నిద్దరలో నేను సొక్కి పొరలుత వుంటె
యే యాల్టికో తన మోవి నా బుగ్గకంటిస్తాది
ఆరారగా నేను అరమూత కండ్లైతాంటె
ఊఁ యనవదేందంటు గిచ్చి సంపేస్తాది
జాము శానాయనిక రెప్ప మలుగుదమంటె
ఎండి ఎన్నెల యేళ ఇంక కునుకెట్లనంటాది
అరనిదుర కండ్లెంత ఎరుపాయె జూడంటె
సిగ్గులేనోడా యంటు సిగ్గయ్యి నగుతాది
రేయంత కువకువలు జటులాల రగస్సాలు
దేవుడా, ఈ రేయి కదలనీవాకంటు మొక్కుల్లు
వలపు వాగుల వోలె పెనుపరుగురా నా పెంటి
తనివి దీరని ప్రేమల వాన జల్లు గద నా పెంటి
ఎవురు నివ్వని నేను ఆయమ్మి నడగాబోతె
అద్దమెదురుగ నేను బొమ్మ తానగపడతాది
ఎవరు నేనని ఎదికి నే కిందమీదైతాంటేను
నాలో నిండావంటు పొదవుకుంటాది నా పెంటి
మువ్వల్ల నవ్వుల్ల యెద సవ్వడే నా పెంటి
పేరు దలసినంతనె ప్రేమ వానైతాది నా పెంటి
ఎనక ఎవురెవురమో ముందు ఏ తీరమో
నా బతుకు నావకు తానె సుక్కాని నా పెంటి
సీకట్లు దోలేటి సిరుదివ్వె ఎలుతురై నా పెంటి
ఒక్క వరముర అయ్య; జల్మ జల్మకిదె నా పెంటి
ముందొక్క నాటికి నా కత ఎవరేన అడుగుతే
కడలంత ఎలమి; గుండె గుడి జేతు, నా పెంటి
#వెన్నెల, #తెలుగు, #అమ్మనుడి, #కవిత #ప్రణయగీతం
@vennela
జీవి తన చిత్తం తో విత్తం మరియు అంతకంటే ఇంకా ప్రాముఖ్యమైన విషయాలని గ్రహించే ప్రక్రియే జీవితం అంటే ..
జీవితమంటేనే ఉగాది పచ్చడి కూడానూ
ఇలాంటి పెద్ద పెద్ద విషయాల్లో సినీకవులు ఏమి చెప్పారో అని చూస్తే పోలా, మీ మూడుని బట్టి మీకు ఇక్కడ లిస్ట్ చేయపడ్డ వివిధ పాటలతో మీకు ఒక కనెక్షన్ ఏర్పడచ్చు. అంటే షడ్రుచులు మరియు నవరసాలు ఆస్వాదిస్తేనే కదా తెలిసేది వర్ణన కన్నా.
పాటలన్నీ మొదటి/రెండు చరణాలలో ఎక్కడో అక్కడ జీవితం లేదా జీవన, బ్రతుకు అన్న మాట (లేదా అలాంటి అర్ధం) వస్తే అది ఒక పాపులర్ పాట అయితే దాన్ని ఈ కూర్పు లోకి చేర్చాను, ఈ పాటలన్నీ క్రానోలోజికల్ ఆర్డర్ లో అంటే పాత పాటలు ముందుగా లిస్ట్ చేస్తున్నాను. ముందుగా తెలుగు పాటలు – ఆ తర్వాత హిందీ పాటలు కూడా లిస్ట్ చేస్తున్నాను, హిందీ లో కూడా జీవన్ లేదా జిందగీ అన్న మాట లేదా అలాంటి అర్ధం వస్తే దాన్ని ఈ క్రింది కూర్పు లో కి చేర్చుకున్నాను
ప్రస్తుతానికి తెలుగు లో ఒక 37 పాటలు మరియు హిందీలో 34 పాటలు ఈ కూర్పు లో కి చేరాయి ! ఇంకా ఏవైనా తడితే వీటిలోకి చేరుస్తాను (It will be in Chronological Order)
Telugu List
దేవదాసు ( 1953) లో
కల ఇదనీ నిజమిదనీ తెలియదులే
బ్రతుకింతేనులే బ్రతుకింతేనులే
అనార్కలి (1955)
జీవితమే సఫలమూ రాగ సుధా భరితమూ
ప్రేమ కథ మధురమూ
శబాష్ రాముడు (1959) లో
జయమ్ము నిశ్చయమ్మురా భయమ్ము లేదురా (ఇందులో జీవితం అన్న మాట లేకపోయినా దాదాపు అదే అర్ధం వచ్చే మోటివేషనల్ లిరిక్స్ వున్నాయి)
వెలుగునీడలు (1961) లో
కలకానిది విలువైనది బ్రతుకు
కన్నీటి ధారలకే బలిచేయకు
గుడిగంటలు (1964) లో
జన్మమెత్తితిరా అనుభవించితిరా
బ్రతకు సమరంలో అలిసిపోయితిరా అన్న పాట
(ఇది కొంచం నిరాశ నిస్పృహ అనే కోణాల్లో ఉంటుంది)
లక్ష్మీ నివాసం (1966) లో
ధనమేరా అన్నిటికీ మూలం
ఆ ధనం విలువ తెలుసుకొనుట మానవ ధర్మం (యశ్వీ రంగారావు గారి పాట)
రంగుల రాట్నం (1966) అనే సినిమాలో టైటిల్ సాంగ్
జీవితమంటే అంతులేని ఒక పోరాటం
సంబరాల రాంబాబు (1970) లోనిది (ఇందులో చలం హీరో )
ఎంతో చిన్నది జీవితం ఇంకా చిన్నది యవ్వనం
అనుభవించరా
అన్న లైన్స్ తో శ్రీమంతుడు (1971) మూవీ – అక్కినేని గారి స్టైల్ లో
వాగ్దానం (1971) లో
బంగరు నావా బ్రతుకు బంగరు నావా
కలెక్టర్ జానకి (1972) లో
జీవితమే ఒక ఆట అది వెలుగు నీడల సయ్యాట అనే ఒక ముక్క (ఇది ఒక హీరోయిన్ ఓరియెంటెడ్ మూవీ అని చెప్పచ్చు )
ఈ లైన్స్ మొదట్లో రాదు కానీ మధ్యలో వస్తుంది – కానీ ఇవే మెయిన్ లైన్స్
విచిత్రబంధం అన్న సినిమా(1972) లో
అందమైన జీవితమూ అద్దాల సౌధమూ
అన్న లైన్స్ తో
జీవన తరంగాలు (1973) లో
ఈ జీవన తరంగాలలో ఆ దేవుని చదరంగంలో ఎవరికీ ఎవరూ సొంతమూ ఎంతవరకూ ఈ బంధమూ
నిప్పులాంటి మనిషి (1974) మూవీ లో
స్నేహమేరా జీవితం స్నేహమేరా శాశ్వతం – సీనియర్ ఎన్టీఆర్ ఫాన్స్ కోసం
రెబెర్ స్టార్ కృష్ణం రాజు గారి పాట అమరదీపం (1977) లోది
నా జీవన సంధ్యా సమయంలో ఒక దేవత ఉదయించింది
గోరంత దీపం (1978) మూవీ లో టైటిల్ సాంగ్ – ఇది కూడా హీరోయిన్ ఓరియెంటెడ్ మూవీనే (ఇందులో జీవితం అన్న పదం లేకపోయినా మొత్తం సాంగ్ అంతా జీవితం పైన దృక్పధం కోసమే కదా)
దీపారాధన అన్న మూవీ(1980) లో తెల్లకాగితం మనిషి జీవితం అన్న పాట శోభన్ బాబు గారి ఫాన్స్ కోసం
ఓ బాటసారీ ఇది జీవిత రహదారీ
ఎంత దూరమో ఏది అంతమో
అన్న ఈ పాట ఇల్లాలు (1981) సినిమాలో
ప్రేమాభిషేకం (1981/82) లో నించి కూడా ఒక పాట
ఆగదు ఏ నిముషం నీ కోసము
ఆగితే సాగదు ఈ లోకము
ముందుకు సాగదు ఈ లోకము (గమనిక : జీవితం అన్న పదం లేకపోయినా – నువ్వు మరియు లోకం అన్న పదాలు వున్నాయి కదా )
పచ్చని కాపురం (1985) లో సూపర్ స్టార్ కృష్ణ శ్రీదేవి గారి సినిమా లో
వెన్నెలైనా చీకటైనా నీతోనే జీవితం
సుమంగళి (1989) లో
జీవితం ఓ ప్రయాణం – నిండుగా సాగనీ
కొండవీటి దొంగ (1990) లో
జీవితమే ఒక ఆట సాహసమే పూబాట
మెగా స్టార్ శైలి లో (రాబిన్ హుడ్ స్టైల్)
ఇలా మరిన్ని తెలుగు పాటలు – ఇప్పుడు మచ్చుక్కి కొన్ని హిందీ పాటలు కూడా
HINDI LIST
జీవన్ కి సఫర్ మే రాహీ
మిలితేహ్ బిఛడ్ జానెకో
ఔర్ దేజతేహ్ యాదే
తన్హాయి మెయిన్ తడపానెకో
మునీంజీ (1955) లో పాట
దీని అర్ధం భలే వుంది –
జీవితపయనంలో తోటి ప్రయాణీకులు కలుస్తూ వుంటారు
వెంటనే విడిపోతారు కానీ వారి జ్ఞ్యాపకాలు మాత్రం మనల్ని వంటరితనంలో చుట్టు ముడతాయి
మధుమతి (1958) లో
సుహానా సఫర్ హై యెహ్ మౌసమ్ హసీ
అనారీ (1959) లో
జీనా ఐసీ కా నామ్ హాయ్ అన్న మాటలో చరణం పూర్తి అయ్యే పాట
హమ్ దోనో (1961) సినిమా లో ఇంకో దేవానంద్ పాట
మెయిన్ జిందగీ క సాథ్ నిభాతా గయా
హర్ ఫికర్ కో ధువా మెయిన్ ఉడాతా గయా
అస్లీ నకిలీ (1962) లో
తుఝే జీవన్ కా దోర్ సే బాంద్ లియాహై
(మీకు ఒక ఐడియా వచ్చి ఉంటుంది .ఇదంతా ఒకప్పుడు తెలుగు కోరాలో కూర్పు చేసినదే. మొదటి రెండు లైన్స్ తో పాటు గా యూట్యూబ్ లింక్ తో తెలుగు కోరా లో ఇదివరకే కూర్పు చేసిన లంకె క్రింద జత చేయబడింది)
Roman Script
Hamne Dekhi Hai Un Aankho Ki Mehekti Khushboo
Haath Se Chhoo Ke Ise Rishton Ka Ilzaam Na Do
Sirf Ehsaas Hai Ye, Rooh Se Mehsoos Karo
Pyar Ko Pyar Hi Rehne Do, Koi Naam Na Do
Hindi
हमने देखी है उन आँखों की महकती ख़ुशबू
हाथ से छू के इसे रिश्तों का इल्ज़ाम न दो
सिर्फ़ एहसास है ये रूह से महसूस करो
प्यार को प्यार ही रहने दो कोई नाम न दो
Translation
I have seen the fragrance emanating from those eyes.
Do not stain it by labeling it as a relationship.
It is only realization; experience it with your soul.
Let love be love, do not ascribe it a label.
Roman Script
Pyar Koi Bol Nahi, Pyar Aawaaz Nahi
Ek Khamoshi Hai, Sunti Hai Kaha Karti Hai
Na Ye Bujhti Hai Na Rukti Hai, Na Thehri Hai Kahi
Noor Ki Boond Hai, Sadiyon Se Baha Karti Hai
Hindi
प्यार कोई बोल नहीं, प्यार आवाज़ नहीं
एक ख़ामोशी है सुनती है कहा करती है
न ये बुझती है न रुकती है न ठहरी है कहीं
नूर की बूँद है सदियों से बहा करती है
Translation
Love is not lyrics, love is not sound (or voice).
It is a silence that listens and speaks by itself.
It does not die, it does not stop, it does not pause.
It is a drop of bliss that flows for eons.
Roman Script
Muskurahat Si Khili Rehti Hai, Aankhon Mein Kahi
Aur Palkon Pe Ujaale Se Jhuke Rehte Hain
Honth Kuchh Kehte Nahi, Kaanpte Hothon Pe Magar
Kitne Khaamosh Se Afsaane Ruke Rehte Hain
Hindi
मुस्कुराहट सी खिली रहती है आँखों में कहीं
और पलकों पे उजाले से झुके रहते हैं
होंठ कुछ कहते नहीं, काँपते होंठों पे मगर
कितने ख़ामोश से अफ़साने रुके रहते हैं
Translation
It blooms like a smile somewhere in the eyes.
It adorns the eyelashes with a glow.
Lips do not say much but on quivering lips,
many silent stories remain suspended (waiting to be told).
గుల్జార్ పాటల్లో ఓ గొప్ప పాట. ఖామోషి చిత్రం-1969
ప్రేమ కు నిర్వచనం, పేరు,భాందవ్యం అనేవి ఉండవు. మౌనంగా, ఆత్మ తో ముడిపడి ఉంటుంది
నిర్వచనాలు ఆపాదించి దాని స్వచ్చతను మలినం చేయకూడదు. – ఇది సెంట్రల్ థీమ్.
Sometimes, two people are drawn to each other but their relationship has no name .By giving a label to a relationship, expectations to conform to the norms of that label set in. (అలాంటి భావన సమాజపు రీతుల్లో ఫిట్ అవుతుందా – అనేది ప్రశ్న ? – ఇది నా సొంత అభిప్రాయం )
ఇకపోతే : ఈ పాటలో డిఫరెంట్ layers గురించి.:
ఇలా చెప్పు కుంటే పోతే ఈ పాట లోని ప్రతి పదం గురించి ఒక పేరా రాయొచ్చు. నాకు తెలిసింది రాసాను.
హేమంత్ కుమార్ సంగీతం/లత పాట ..
ఓ 50 సార్లు విని ఉంటా ఈ పాటను .
మీరు ఆలకించండి
😍
While flipping through life’s pages
My gaze fell on a page brimming with joy
That quiet evening amidst garden of roses
We both holding hands watching world go by
Mirth and vibrance in abundance around
Accentuated our compatible silence.
The earth stood still in those mesmerizing moments
And our unison of souls blessed by a rainbow therein.
Alone now, after many decades,
I am stuck at that life’s page
Looking forlorn, with throbbing emotions to handle.
-Ghouse
హిందీ పాటల్లో నాకు నచ్చిన కొన్ని పాటల అర్ధాలు,వర్ణనలు పరిచయం చేద్దామనే తలంపుతో, నాకు వీలైనప్పుడు మీతో పంచుకొందామనే ప్రయత్నం ఇది. ఇది కేవలం నాకు నచ్చిన పాటల గురించే.
మొదటగా అబ్దుల్లా చిత్రం లోని ఈ పాట.
అతివ వర్ణన కి పరాకాష్ట,
LYRICS:
मैंने पूछा चाँद से कि देखा है कहीं
मेरे यार सा हसीं?
चाँद ने कहा, “चाँदनी की क़सम
नहीं, नहीं, नहीं”
నా సఖి లాంటి అందగత్తె ను చూసావా అని చంద్రుణ్ణి అడిగా..
అబ్బే , వెన్నెల మీద ఒట్టేసి చెప్తున్నా – చూడలేదని అన్నాడు.
-వెన్నెల జగమంతా కురుస్తుంది కదా. కాబట్టి .. మొత్తం జగత్తు లో తన సఖి లాంటి అందగత్తె లేదని భావం.
मैंने ये हिजाब तेरा ढूँढा
हर जगह शबाब तेरा ढूँढा
कलियों से मिसाल तेरी पूछी
फूलों में जवाब तेरा ढूँढा
मैंने पूछा बाग़ से फ़लक हो या ज़मीं
ऐसा फूल है कहीं?
बाग़ ने कहा, “हर कली की क़सम
नहीं, नहीं, नहीं”
నీ లాంటి సిగ్గరి ను ( hijab: ఇంకో అర్ధం shyness )
నీ లాంటి యవ్వనవతి ను
పూమొగ్గలలో,విరిసిన పూవుల్లో వెతికాను.
భూమ్యాకాశాలలో ఎక్కడైనా చూసావా అని తోటను అడగ్గా ( falak = ఆకాశం )
ప్రతి పువ్వు మీద ఒట్టేసి చెప్తున్నా .. ఎక్కడా చూడలేదు.అని తోట శెలవిచ్చింది.
భూమ్యాకాశాలలో అలాంటి యవ్వనవతి,అందగత్తె – లేదని కవి గారి అభిప్రాయం.
हो, चाल है कि मौज की रवानी
ज़ुल्फ़ है कि रात की कहानी
होठ हैं कि आईने कँवल के
आँख है कि मयकदों की रानी
मैंने पूछा जाम से फ़लक हो या ज़मीं
ऐसी मय भी है कहीं?
जाम ने कहा, “मयकशी की क़सम
नहीं, नहीं, नहीं”
అది నడకా లేక నాట్య మాడే అలయా ?
అవి కురులా లేక రాత్రి కబుర్లా?
అవి ఆధరాలా లేక పంకజపు ప్రతిబింబాలా?
భూమ్యాకాశాలలో నా సఖి లాంటి మధువును
ఎక్కడైనా చూసావా అని మధుపాత్రను అడగ్గా
నిషా మీద ఒట్టేసి చెప్తున్నా
ఎక్కడ చూడలేదని మధుపాత్ర సెలవిచ్చింది.
భూమ్యాకాశాలలో అలాంటి మత్తెక్కించే అందమైన సుందరి లేదని కవి గారి అభిప్రాయం.
.
ख़ूबसूरती जो तूने पाई
लुट गई खुदा की बस खुदाई
मीर की ग़ज़ल कहूँ तुझे मैं
या कहूँ ख़य्याम की रुबाई?
मैं जो पूछूँ शायरों से ऐसा दिल-नशीं
कोई शेर है कहीं?
शायर कहें, “शायरी की क़सम
नहीं, नहीं, नहीं”
నీ కున్న అసమాన సౌందర్యం వల్ల
దేవుడి కి కూడా తన కటాక్షం పై నమ్మకం పోయిందట !
నువ్వు మీర్ గజల్ , ఖయ్యాం రుబాయీ ల్లా ఉంటావేమో నని
కవులందర్నీ అడిగా
కవిత్వం పై ఒట్టేసి చెప్తున్నాం.. ఎవ్వరు లేరని కవులు అన్నారుట .
కవిత్వం అంటేనే ఊహా జనితం. అలాంటి ఊహల్లో కూడా ఎవ్వరూ తన సఖి కు సాటిరారని భావం.
ఈ పాట వింటున్న సేపూ అతివ అందాల వర్ణన శ్రోతలను ఒక స్వప్న లోకాన్ని పరిచయం చేస్తుంది.
ఇంత చక్కటి వర్ణన ,ఆనంద్ బక్షి పాటల్లోని ఒక ఆణిముత్యం. రఫీ తన గాత్రం తో మనల్ని వేరే లోకాలకు తీసుకొని వెళ్తాడు.
మీ కామెంట్స్ పంచుకోండి
భవదీయుడు
–ghouse
( కొన్ని పదాలకు సరైన తర్జుమా దొరకలేనప్పుడు , భావం చెడకుండా నేను వేరే తెలుగు పదాలు వాడాను .గమనించగలరు )
